🌻સૂર્યમુખી🌻

 

આમ તો ઘણાં બધાં ખૂબસૂરત અને સુગંધી ફૂલો છે... કુદરતમાં સૌંદર્ય અને વિવિધતાની કોઈ કમી નથી. પણ આપણે સૌ કોઈને પોતાની પસંદગી હોય છે. આ બધાં ફૂલોમાં મારી પણ એક પસંદગીનો ફૂલ છે - સૂર્યમુખી!

કારણ? એને સૂર્ય સાથે સંબંધ છે.... સૂર્ય જ્યાં સૂર્યમુખીનો ચહેરો ત્યાં... એ પોતાની દિશા સૂર્ય સાથે બદલતો રહે છે.... સૂર્ય એક બહુ વિશાળ છે, પૃથ્વીથી અનેક ઘણો વિશાળ, એના કારણે જ પૃથ્વી પર જીવન છે. એ પ્રકાશ છે. અંધકારને દૂર કરે છે. ઊર્જાવાન છે. તાકાત છે. આશા છે. જીત છે. જ્યાં કો નિરાશા નથી. આગળ વધવાનો, ગતિનો પ્રતીક છે.... પોતે સ્થિર છે, પણ એના કારણે ગ્રહો એની પ્રદક્ષિણા કરે છે.સૂર્યમુખી સૂર્યનો દીવાનો છે. એને આ સૂર્યના ગુણો ગમે છે, એનાથી પ્રભાવિત છે. એનો નામ પણ એનાથી છે.

મને સૂર્યમુખી ગમે છે, કારણ કે મને ગતિમાન હોવું ગમે, મને ઊર્જાવાન હોવું ગમે... મને આળસ અને લલ્લુ પંજુ હોવું ન ગમે. મને આગળ વધવું ગમે, કંઇક કરી બતાવવું ગમે. હું જ્યાં પણ હોઉં એમાં હું શું યોગદાન આપી શકું અને શું સારું કરી શકું એમાં મને રસ છે. લોકોની નિંદા કરવામાં અને આજુબાજુની પરિસ્થિતિમાં ફરિયાદો કરવાનું મને પસંદ નથી. હું હંમેશા રાજાની માનસિકતાથી જીવ્યો છું. નબળાઈ મને પસંદ નથી. મારામાં કોમળતા નથી, ગુસ્સો છે, સૂર્ય જેવી આગ છે, એના જેવો કેસરી અને પીળો રંગ છે, જલદી ગુસ્સે થઈ જઉં છું, જેવું તેવું કામ ચલાવતો નથી, મને બધી વસ્તુ વ્યવસ્થિત જોઈએ! હું કામમાં મહેનત કરું છું અને બીજાથી  મહેનત કરાવું છું... જે લોકો નિરાશ અને હતાશ છે એ પસંદ નથી. જે લોકો મહેનત અને ઈમાનદારીથી આગળ વધે છે એ મને પસંદ છે. જે લોકો સકારાત્મક છે, હસતાં રહે છે એવા લોકો મારા માટે સૂર્ય છે, હું એ લોકોને જોતો રહું છું, એ લોકોથી પ્રેરણા લઉં છું.

મારા માટે શ્રી શ્રી રવિશંકર, સદગુરુ સૂર્ય છે... મારો ચહેરો એના તરફ હોય છે, હું એમને સાંભળું છે, શીખું છું... ઊર્જા મને પસંદ છે, આગ મને પસંદ છે, ગતિ મને પસંદ છે, સૂર્યમુખી મને પસંદ છે....🌻